Use Case Diagram

System တစ်ခု စတင်ဖို့ အတွက် Use Case Diagram ဟာ အရေးကြီးပါတယ်။ Use Case Diagram ကို မစတင်ခင်မှာ Use Case တွေကို အရင်ဆုံး စဥ်းစားဖို့ လိုအပ်ပါတယ်။

Use Case

ATM system မှာ ငွေထုတ် ဖို့ အတွက် Use Case တွေကို ကြည့်ရအောင်။

User ActionSystem Response
User မှ Pin ရိုက်ထည့်System မှ PIN မှန် မမှန် စစ်ဆေး
Withdraw Amount ကို ရွေးSystem မှ Withdraw Amount လုပ်နိုင်သည့် ပမာဏ ကို ဖော်ပြ
ငွေ Amount ရိုက်ထည့်ငွေ Amount ရှိမရှိ စစ်ဆေး ပြီး ငွေထုတ်ပေး

Use Case ဟာ System တစ်ခု အတွက် အရေးပါပြီး System တစ်ခုလုံးမှာ လိုအပ်သည့် requirement တွေကို တစ်ခါတည်း မြင်နိုင်ပါလိမ့်မယ်။

Use Case Diagram

Use Case Diagram မှာ ပါဝင်သည့် diagram တွေ ကို အရင်လေ့လာကြည့်ရအောင်။

DiagramDescription
Actor ကတော့ အသုံးပြုမည့်သူတွေ လုပ်ဆောင်မည့် သူတွေ ကို ရည်ညွှန်းထားပါတယ်။
Use Case ကတော့ Functional case တွေကို ဖော်ပြထားပါတယ်။
System ကတော့ လက်ရှိ system ကြီး တစ်ခုလုံးကို ဘယ် system ဖြစ်တယ် ဆိုတာကို ဖော်ပြထားခြင်း ဖြစ်ပါတယ်။

ATM System

ATM System တစ်ခုအတွက် Use Case တစ်ခု ရေးဆွဲကြည့်ရအောင်။

ATM System တစ်ခုမှာ Balance စစ်ခြင်း, ပိုက်ဆံ ထုတ်ခြင်း နှင့် ပိုက်ဆံ ထည့်သွင်းခြင်း တို့ ပါဝင်ပါမယ်။

System ဖြစ်သည့် recent box ကို ထည့်သွင်းမရေးဆွဲလည်း ဖြစ်ပါတယ်။ System တစ်ခု ထက်ပိုမှသာ ထည့်သွင်း ရေးဆွဲလို့ရပါတယ်။

Use Case Relationship

Use Case diagram မှာ <<include>> , <<extend>>  နဲ့ Generalization ဆိုတာ ရှိပါတယ်။ Use Case တစ်ခုက နောက်ထပ် Use case တစ်ခု နဲ့ ဘယ်လို relationship ရှိနေတယ် ဆိုတာ ကို ဖော်ပြပေးတာပါ။ 

Invalid Password ဟာ Login Account ပေါ်မှာ depend ဖြစ်နေပါတယ်။ နောက်ပြီး Invalid Password ဟာ Login Account Use Case ကို extend လုပ်ထားတာပါ။

Place Order လုပ်ဖို့ အတွက် အရင်ဆုံး Login ဝင်ဖို့ လိုပါတယ်။ Place Order Use case မှာ Login User Case ပါဝင်နေပါတယ်။

generalization relationship က တော့ parent နဲ့ child သဘောပါပဲ။ Use case နှစ်ခုဟာ parent နဲ့  child relationship ရှိနေသည့် သဘောပါပဲ။

Online Ebook Website System

System တစ်ခု ဆွဲကြည့်ရအောင်

  • User က စာအုပ်တွေကို Search လုပ်နိုင်တယ်
  • User က စာအုပ်တွေကို browse လုပ်နိုင်တယ်
  • User က Login ဝင်လို့ရတယ်
  • Login ဝင်သည့် အခါမှာ password မှားနေရင် မှားနေ ကြောင်း ပြရမယ်
  • စာအုပ်ဝယ်သည့် အခါမှာ ​Login ဝင်ထားပြီးသား ဖြစ်ရမယ်
  • Download ချသည့် အခါမှာလည်း Login ဝင်ထားဖို့ လိုတယ်
  • Admin က စာအုပ်တွေကို manage လုပ်နိုင်မယ်

ဒီ စနစ်ကို ကြည့်လိုက်ရင် Actor ၂ ယောက် ပါတာကို တွေ့နိုင်ပါတယ်။ Use Case တွေက တော့ ရှင်းပါတယ်။ ပုံလေး ဆွဲကြည့်ရအောင်။

Use Case Diagram ဆွဲထားခြင်း အားဖြင့် System ကို ပိုပြီး နားလည် စေပါတယ်။ Project တစ်ခုလုံးမှာ ဘယ် system တွေက ဘယ် system တွေ နဲ့ ချိတ်ဆက်ထားတယ်။ ဘယ်လို depen ဖြစ်နေတယ် ဆိုတာကို သိနိုင်ပါတယ်။